گوئی یانگ (شِنہوا) انفارمیشن ٹیکنالوجی مرکز کے ڈائریکٹر جنرل عمار جعفری نے بگ ڈیٹا صنعتی نمائش کے دوران کہا ہے کہ بگ ڈیٹا کی سیکیورٹی ایک عالمی مسئلہ ہے جس میں ڈیٹا کے تحفظ اور  سیکیورٹی پر مزید عالمی تعاون کی ضرورت ہے۔

عمار نے کہا کہ دنیا بھر میں بڑے پیمانے پر ڈیٹا کی مسلسل پیداوار کے ساتھ زیادہ سے زیادہ ممالک نے بگ ڈیٹا کی اہمیت کو محسوس کیا ہے۔  بگ  دیٹا کی حفاظت موسمیاتی تبدیلی اور خوراک کی کمی کی طرح ایک عالمی مسئلہ بن گیا ہے۔

عمار نے کہا کہ  بگ ڈیٹا تیل کی طرح ہماری لائف لائن بن چکا ہے، ہم بگ ڈیٹا کے بغیر زندگی اور پیداوار کو معمول کے مطابق نہیں بنا سکتے۔

عمار نے تجویز دی کہ بیلٹ اینڈ روڈ کے ساتھ منسلک ممالک اپنے تمام بگ ڈیٹا کو ایک ساتھ جوڑ سکتے ہیں  اور بگ ڈیٹا کے مجموعے کو انسانیت کی بہتر خدمت کے لئے استعمال کرسکتے ہیں۔

چائنہ انٹرنیشنل بگ ڈیٹا انڈسٹری ایکسپو 2023 کا آغاز جمعہ کے روز چین کے جنوب مغربی صوبے گوئی ژو کے دارالحکومت گوئی یانگ میں ہوا۔ اس سال کے ایڈیشن میں بگ ڈیٹا ، حقیقی معیشت اور کلاؤڈ کمپیوٹنگ کے مستقبل کے کردار کو مربوط کرنے پر توجہ مرکوز کی گئی ہے۔