نئی دہلی(شِنہوا)  بھارت کی سپیس ریسرچ آرگنائزیشن (اسرو) نے دوسری جنریشن کا نیویگیشن سیٹلائٹ این وی ایس -01 کامیابی کے ساتھ خلا میں بھیج دیا۔

اسرو حکام کے مطابق تقریباً 2 ہزار 232 کلوگرام وزنی نیویگیشنل سیٹلائٹ ریاست آندھرا پردیش کے شری ہری کوٹا میں ستیش دھون خلائی مرکز سے ایک قابل توسیع راکٹ کے ذریعے پیر کو خلا میں بھیجا گیا۔

اسروکے مطابق این وی ایس -01 ملک کا پہلا دوسری جنریشن کا مصنوعی سیارہ ہے جسے بھارتی کونسٹلیشن خدمات کے ساتھ نیویگیشن کے لیےخلا میں روانہ کیا گیا ہے۔