واشنگٹن (شِنہوا) امریکی صدر جو بائیڈن نے سابق امریکی وزیرخارجہ ہنری کسنجر کو خراج تحسین پیش کرتے ہوئے آنجہانی کے ساتھ  اپنے اکثرشدید اختلافات کا ذکر کیا، جن کا ایک روز قبل 100 سال کی عمر میں انتقال ہو گیا تھا۔

صدر جو بائیڈن نے کہا کہ پہلی ملاقات کے وقت وہ سینیٹر اور کسنجر وزیر خارجہ تھے اور وہ اس ملاقات کو کبھی فراموش نہیں کریں گے جب کسنجردنیا کی صورتحال پر بریفنگ دے رہے تھے۔

بائیڈن نے کہا کہ پورے کیریئر کے دوران، ہمارے درمیان  اکثر اختلاف رہا  اور اکثر شدید قسم کا اختلاف  ۔ لیکن اس پہلی بریفنگ میں کسنجر کی ذہانت اور گہرا اسٹریٹجک فوکس واضح تھا۔

انہوں نے کسنجر کے اہل خانہ اور ان سے محبت کرنے والوں سے تعزیت کا اظہار کرتے ہوئے کہا کہ حکومت سے سبکدوش ہونے کے طویل عرصے کے بعد بھی  انہوں نے کئی نسلوں میں سب سے اہم پالیسی بحث میں اپنے خیالات اور نظریات پیش کرنے کا سلسلہ جاری رکھا۔