ہوسٹن (شِنہوا) امریکی ریاست ٹینیسی میں شدید طوفان سے کم از کم 6 افراد ہلاک اور 23 زخمی ہوگئے ہیں۔

مقامی حکام کے مطابق طوفان کی زد میں آنے والی کاؤنٹی مونٹگمری میں دو بالغ اور ایک بچہ ہلاک ہوا جبکہ ٹینیسی کے دارالحکومت نیش ویل کے مضافات میں مزید تین ہلاکتوں کی اطلاع ملی ہے۔

مونٹگمری کاؤنٹی شیرف کے دفتر نے لوگوں سے کہا کہ وہ موسم، بجلی کی گری ہوئی لائنوں اور ملبے سے ممکنہ خطرات کی وجہ سے محفوظ مقامات پر پناہ لیں اور سڑک سے دور رہیں ۔جن لوگوں کو مدد کی ضرورت ہے ان کے لئے ایک مقامی ہائی اسکول میں پناہ گاہ قائم کردی گئی ہے۔

ویدر چینل کی رپورٹ کے مطابق ٹینیسی اور کینٹکی میں ہفتے اور اتوار کی شب ایک درجن سے زائد طوفان آئے جس سے متعدد علاقوں کو نقصان پہنچا۔

رپورٹ کے مطابق یہ موسم ملک میں موسمیاتی صورتحال کا حصہ ہے جس کے نتیجے میں اختتام ہفتہ جنوب میں شدید آندھی، تیزہوا اور طوفان آنے کا امکان ہے۔

یہ طوفان تقریباً 2 برس بعد آئے ہیں۔ اس وقت قومی موسمیاتی سروس نے کئی ریاستوں میں 41 طوفان ریکارڈ کئے تھے جن میں ٹینیسی کے 16 اور کینٹکی کے 8 طوفان بھی شامل تھے۔