تہران (شِنہوا) ایرانی دارالحکومت تہران میں ایرانی کالج کے طلبا کے درمیان "چینی برج" زبان میں مہارت کے مقابلے کا آخری مرحلہ ہوا جس میں دو طالبات کو بالترتیب پہلا اور دوسرا انعام دیا گیا۔

تہران کی جامعہ علامہ طباطبائی یونیورسٹی میں منعقدہ فائنل میں ایران بھر سے 16 کالج طلبا نے تقریری مقابلے میں شرکت کی جس کے بعد ٹیلنٹ شو ہوا جس میں خاکے، گیت، الفاظ کو تیزی سے بار بار دہرانے کا مظاہرہ کیا گیا۔

پہلا انعام جامعہ تہران کی طالبہ مہتاب منتظری جبکہ  دوسرا انعام جامعہ تہران کی طالبہ فاطمہ باراتیاں کو دیا گیا۔ مقابلے کے اختتام پر ایوارڈ دیئے گئے۔

تقریب میں ایران میں چینی سفیر چھونگ پائی وو ، اے ٹی یو کے صدر عبد اللہ موتا مہدی،  پروفیسرز اور طلباء نے شرکت کی۔

چینی سفیر نے اپنے خطاب میں مقابلے کے شرکاء کی زبان میں مہارت، قابلیت اور چینی زبان میں دلچسپی کو سراہا۔

انہوں نے کہا کہ "چینی برج" مقابلہ ثقافتی تبادلوں کے لیے ایک معروف تقریب میں تبدیل ہو چکا ہے اور اس نے چین اور دیگر ممالک میں دوستی کو فروغ دیاجس سے یہ مقابلہ ہر ایک کے پرجوش تعاون اور فعال موجودگی سے پھل پھول رہا ہے۔

انہوں نے چینی زبان کے ذریعے چین کی وسیع اور گہری تاریخ و ثقافت کی کھوج کے لئے زبان سیکھنے والوں کو خوش آمدید کہا۔

تقریب میں شِنہوا سے گفتگو میں دوسرا انعام حاصل کرنے والی فاطمہ باراتیان نے کہا کہ وہ چینی زبان سیکھنے میں سخت محنت کریں گی اور چینی و ایرانی ثقافتوں کے مختلف شعبوں کی ترقی میں اپنا حصہ ڈالیں گی۔