کابل(شِنہوا) افغانستان  کی  عوامی امورکی نگران وزارت  نے 21 مارچ 2023 سے اب تک 110 سے زیادہ ترقیاتی اور دیکھ بھال کے منصوبے شروع کیے ہیں۔

وزارت کے ترجمان اشرف  حق شناس کا حوالہ دیتے ہوئے مقامی میڈیا آؤٹ لیٹ طلوع نیوز نے اتوار کو بتایا کہ گزشتہ 10 ماہ کے دوران 2ارب افغانی (1 امریکی ڈالر 70 افغانی کے برابر) مالیت کے 90 سے زیادہ بحالی کے منصوبے مکمل ہو چکے ہیں۔

حق شناس کے حوالے سے بتایا گیا کہ شروع کیے گئے منصوبوں میں ملک کے مختلف حصوں میں تقریباً 1 ہزار کلومیٹر طویل سڑکوں، 30 پلوں کی تعمیر سمیت پانی کے ذخائر کے لیے ڈیم اور حفاظتی دیواروں کی تعمیر شامل ہے۔

 طلوع نیوز نے رپورٹ کیا کہ کابل-قندھار ہائی وے، افغان رنگ روڈ کی تعمیر اور سالنگ سرنگ کی تعمیر نو جو افغانستان کے قومی دارالحکومت کابل کو نو شمالی صوبوں سے لے کر وسطی ایشیائی ریاستوں سے ملاتی ہے، عوامی  امور کے لیے وزارت کی کامیابیوں میں شامل ہیں۔