کابل(شِنہوا)افغانستان کے دارالحکومت کابل کے پولیس ضلع 4 میں ایک کار بم دھماکے کی زد میں آنے کے باعث 2 افراد ہلاک ہو گئے ہیں۔ 

مقامی نجی ٹیلی ویژن چینل طلوع نیوز نے منگل کے روز ایک نامعلوم سیکورٹی اہلکار کے حوالے سے بتایا کہ دھماکہ گزشتہ شام پولیس ضلع 4 کے علاقے پروان سی میں ہوا جس میں 2 افراد ہلاک ہو گئے ہیں۔

حکام کی جانب سے واقعے پر ابھی تک کوئی بیان جاری نہیں کیا گیا ہے۔

صوبائی پولیس کے ترجمان عبدالمبین صافی نے بتایا کہ شمالی صوبہ تخار کے دارالحکومت طالقان شہر میں بھی گزشتہ شام اسی طرح کا ایک دھماکہ ہوا ہے جس میں کوئی جانی نقصان نہیں ہوا۔