ویلنگٹن (شِنہوا)نیوزی لینڈ کے شہر آکلینڈ میں گزشتہ روز ہونے والےفائرنگ کے واقعہ  میں ایک چینی شہری زخمی ہے۔

 آکلینڈمیں چینی قونصلیٹ جنرل کے ترجمان نے جمعہ کوشِنہواکوبتایاکہ زخمی چینی کی حالت مستحکم ہے۔

 ترجمان نے بتایا کہ آکلینڈ پولیس نے جمعہ کی دوپہر قونصل خانے کو زخمی شخص کے بارے میں اطلاع دی ، جس کے بعد قونصل خانے کے اہلکار حالات کے بارے میں جاننے کے لیےاسپتال پہنچے۔  جمعرات کو فائرنگ کے نتیجے میں مسلح شخص سمیت تین افراد ہلاک اور ایک پولیس افسر سمیت چھ افراد زخمی ہوئے۔ اس سے پہلے مقامی پولیس نے کہا تھا کہ واقعہ میں کسی چینی کے جانی نقصان کی کوئی اطلاع نہیں ہے۔