رفح، مصر(شِنہوا)انسانی امداد لے جانے والے 60 ٹرکوں کا ایک قافلہ پیر کورفح کراسنگ کے مصری حصے سے گزرکر غزہ کی جانب روانہ ہوا۔  

مصری فوجی ذرائع نے نام نہ ظاہر کرنے کی شرط پر بتایا کہ21 اکتوبر کو امداد کی ترسیل شروع ہونے کے بعد سے یہ غزہ کی جانب روانہ کیا گیا سب سے بڑاامدادی قافلہ ہے۔ 

 حماس نے 7 اکتوبر کو اسرائیل پر اچانک حملہ کیا ہزاروں راکٹ فائر کیے اور اسرائیلی علاقے میں دراندازی کی جس کے جواب میں اسرائیل نے بڑے پیمانے پر فضائی حملے، زمینی کارروائیاں، اوربندشی اقدامات کیے جن میں پانی، بجلی، ایندھن کی فراہمی روکنے کے علاوہ انکلیو کا محاصرہ کرنا شامل تھا۔