بیجنگ (شِںہوا) چین اور پاکستان کی بحری افواج نومبر میں شمالی بحیرہ عرب کے پانیوں اور فضائی حدود میں "سی گارڈین-3" مشترکہ بحری مشقیں کریں گی۔

وزارت قومی دفاع کے ترجمان وو چھیان نے ایک پریس کانفرنس میں بتایا کہ مشق میں سمندری سلامتی کو درپیش خطرات سے نمٹنے میں مشترکہ ردعمل پر توجہ مرکوز کی جائے گی۔ اس میں فارمیشن ، تلاش ، بچاؤ اور آبدوز شکن آپریشن جیسی سرگرمیاں شامل ہوں گی اس کے علاوہ  پیشہ ورانہ تبادلوں اور باہمی دوروں کا بھی اہتمام کیا جائے گا۔

وو نے کہا کہ اس مشق کا مقصد دونوں ممالک کے درمیان سدا بہار اسٹریٹجک تعاون کی شراکت داری اور روایتی دوستی اور دونوں ممالک کی افواج میں حقیقت پسندانہ جنگی تربیت مستحکم کرنا ہے۔