تامل فلموں کے سپر اسٹار اجیت کمار اسپین میں ایک کار ریس کے دوران بڑے حادثے میں بال بال بچ گئے ۔ اسپین کے شہر ویلینسیا میں ہونے والی ہائی اسپیڈ کار ریسنگ میں دوکاریںکریش ہوئیں، جن میں سے ایک میں 54 سالہ اجیت کمار موجود تھے۔ اجیت کمار کے منیجر سوریش چندرہ نے یہ خبر سوشل میڈیا پر شیئر کی۔ایکس پر شیئر ایک ویڈیو میں اس لمحے کی تصویر کشی کی گئی جب اجیت کمار کی کار ایک دوسری کار سے ٹکرا کر الٹ گئی۔ یاد رہے کہ اجیت کمار ریسنگ، ٹیم اجیت کمار ریسنگ کے اونر ہیں اور وہ پورشے اسپرنٹ چیلنج'سائوتھ یورپ کومپیٹیشن میں شریک تھے۔ ان کے منیجر چندرا کا کہنا ہے کہ اجیت کمار بالکل ٹھیک ہیں اور ان کے لیے نیک خواہشات کے پیغامات بھیجنے والوں سے ہم اظہار تشکر کرتے ہیں۔

کریڈٹ: انڈیپنڈنٹ نیوز پاکستان-آئی این پی