بالی ووڈ کے معروف اداکار سیف علی خان پر ہونے والے چاقو حملہ کیس میں ایک نئی بات سامنے آئی ہے، پولیس کے مطابق اس معاملے کے مرکزی ملزم کے فنگر پرنٹس سیف علی خان کے فلیٹ سے ملنے والے پرنٹ سے میچ نہیں ہوئے۔ریاستی سی آئی ڈی کے فنگر پرنٹس بیورو کو تقریبا 20 نمونے بھیجے گئے تھے جن میں سے 19 ملزم سے میچ نہیں کرتے۔ اس حوالے سے بتایا جاتا ہے کہ ممبئی پولیس نے جو چارج شیٹ فائل کی ہے اس میں انکشاف ہوا ہے کہ سیف کے فلیٹ کے اندر سے جو اہم فنگر پرنٹس نمونے حاصل کیے گئے تھے وہ ملزم سے میچ نہیں کرتے۔صرف ایک فنگر پرنٹ جو بلڈنگ کی آٹھویں منزل سے لیا گیا وہ اس سے میچ کر رہا ہے۔ واضح رہے کہ سیف علی خان پر اس سال 16 جنوری کی آدھی رات کو چاقو حملہ ہوا تھا جس میں وہ شدید زخمی ہوئے اور اسپتال میں زیر علاج رہے۔

کریڈٹ: انڈیپنڈنٹ نیوز پاکستان-آئی این پی