ماڈل و اداکارہ عائشہ طور نے کہا ہے کہ پنجاب کے مردوں کے مقابلے میں کراچی کے مرد بہت اچھے ہیں، یہاں کے مرد ایک بار دیکھنے کے بعد اپنے کام میں مصروف ہوجاتے ہیں۔ ایک انٹرویو میں عائشہ طور نے بتایا کہ کراچی میں بہت سارے مسائل ہیں، یہاں پانی نہیں ہوتا، یہاں کی سڑکیں خراب ہیں، یہاں رہنے والے یہاں کے نہیں لیکن اس کے باوجود یہ شہر بہت اچھا ہے۔ان کے مطابق کراچی کے مرد دوسروں کی زندگی میں مسائل پیدا نہیں کرنا چاہتے، یہاں لوگوں کے پاس اتنا وقت ہی نہیں۔عائشہ طور نے کہا کہ لاہور میں مہمان نوازی زیادہ محسوس ہوتی ہے لیکن وہاں مردانہ سماج کا غلبہ نظر آتا ہے جبکہ کراچی میں ایسا نہیں، یہاں کے مرد روشن خیال ہیں اور مردانہ سماج کا عکس دکھائی نہیں دیتا۔عائشہ طور پر کے مطابق پنجاب جانے کے لیے صرف ایئرپورٹ پر ہی وہاں اتریں تو ماحول دوسرا دیکھنے کو ملتا ہے۔

کریڈٹ: انڈیپنڈنٹ نیوز پاکستان-آئی این پی