معروف اداکار و ماڈل زاہد احمد نے انکشاف کیا ہے کہ وہ گزشتہ پانچ چھ سال سے پانچ وقت نماز کی پابندی کر رہے ہیں۔زاہد احمد نے حال ہی میں نجی ٹی وی کے پروگرام میں شرکت کی۔اس دوران انہوں نے اپنے روحانی شخصیت ہونے، جنات کے اثرات، نجی و پیشہ ورانہ زندگی سے متعلق کھل کر بات کی۔زاہد احمد نے بتایا کہ مجھے ایک بار احساس ہوا کہ میں اس دنیا میں بہت زیادہ کھو چکا ہوں، اس دنیا میں آنے کا مقصد بہت بڑا ہے، ہمیں اس دنیا میں صرف کما کر، بل ادا کر کے نہیں چلے جانا ہے، زندگی کے اور بھی مقاصد ہیں۔انہوں نے کہا کہ سکون ڈھونڈنے کے لیے میں نے اللہ کے آگے خود کو سرینڈر کر دیا تھا، میں نے اللہ کی رضا میں اپنی رضا ڈھونڈی اور گزشتہ کئی سال سے میں 5 وقت نماز کی پابندی کرتا ہوں اور بہت خوش اور مطمئن ہوں۔

کریڈٹ: انڈیپنڈنٹ نیوز پاکستان-آئی این پی