معروف بھارتی ریپر اور گلوکار یو یو ہنی سنگھ نے ایک بار پھر پاکستان آکر یہاں پرفارم کرنے کی خواہش کا اظہار کردیا۔ سوشل میڈیا پر وائرل ہونے والی ایک مختصر ویڈیو میں ہنی سنگھ نے پاکستانی مداحوں کو مخاطب ہوتے ہوئے کہا کہ وہ ان کے لیے دعا کریں کہ وہ جلد پاکستان آئیں۔ان کا کہنا تھا کہ وہ پاکستان آکر وہاں مداحوں کے لیے پرفارم کرنا چاہتے ہیں اور ان کی خواہش ہے کہ وہ وہاں جائیں اور مداح ان کے لیے دعا کریں۔پاکستان سے پسندیدہ گلوکار کے سوال پر ہنی سنگھ کا کہنا تھا کہ بچپن سے انہیں استاد نصرت فتح علی خان پسند ہیں جب کہ مہدی حسن، غلام علی، علی عظمت، عاطف اسلم، مہوش حیات اور صنم ماروی بھی پسندیدہ ہیں۔انہوں نے مزید فنکاروں کے نام لیتے ہوئے بتایا کہ انہیں منصور ملنگی، الہ دتا لونیا والا اور ندیم عباس سکھیرا بھی انہیں پسند ہیں۔ہنی سنگھ نے مزید کہا کہ پاکستان کا ایسا کون سا فنکار ہے جو انہیں پسند نہیں، تمام گلوکار بہت اچھے ہیں اور انہیں سب پسند ہیں۔

کریڈٹ: انڈیپنڈنٹ نیوز پاکستان-آئی این پی