ٹی وی میزبان و اداکارہ ندا یاسر نے شوہر کو دوسری شادی کی مشروط اجازت دیتے ہوئے شوہر کو کہا ہے کہ اگر وہ مرجائیں تو وہ دوسری شادی کر سکتے ہیں یا پھر اگر وہ بھارتی امیر شخص مکیش امبانی جتنے امیر بن جائیں تو شادی کرلیں۔یاسر نواز نے حال ہی میں اپنے یوٹیوب چینل پر فیملی ولاگ کی ویڈیو شیئر کی، جس میں انہوں نے اہلیہ کے ہمراہ مذاق بھی کیا۔ویڈیو میں یاسر نواز بار بار اہلیہ کو کہتے سنائی دیتے ہیں کہ وہ پہلے سے زیادہ ہینڈسم بن گئے ہیں، ان کا پیٹ بھی اندر چلا گیا ہے اب تو ان کا حق بنتا ہے۔ان کی بات پر ندا یاسر بھی مزاحیہ انداز میں انہیں کہتی ہیں کہ چلو ٹھیک ہے، جب وہ مر جائیں تو دوسری شادی کرلیں ساتھ ہی ندا یاسر شوہر کو کہتی ہیں اگر وہ بھارتی امیر ترین شخص مکیش امبانی جتنے امیر بن جائیں تو وہ بھلے تین شادیاں کرلیں۔دونوں میاں اور بیوی کی جانب سے شادی پر کی گئی گفتگو کی مختصر ویڈیو سوشل میڈیا پر وائرل ہوگئی اور لوگوں نے اس پر دلچسپ تبصرے بھی کیے۔

کریڈٹ : انڈیپنڈنٹ نیوز پاکستان-آئی این پی