بھارت کے مشہور پنجابی ریپر ہنی سنگھ نے پاکستانی اداکارہ مہوش حیات کے ساتھ نئے گانے کا اعلان کر کے سب کی توجہ حاصل کرلی۔ بھارتی میڈیا کے مطابق ہنی سنگھ رواں سال مہوش حیات کے ساتھ بھی نظر آئے اور اب انہوں نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کر کے اس بات کا اعلان کردیا ہے دونوں جلد کچھ دھماکے دار کرنے والے ہیں۔ویڈیو میں ہنی سنگھ اور مہوش حیات ساتھ بیٹھے نظر آئے اور ہنی سنگھ اپنے منفرد انداز میں مہوش حیات کو سہیلی کراچی قرار دیا جبکہ کیپشن میں دونوں کے آبائی شہر کا ذکر کرتے ہوئے لکھا کہ کرمپورا کا کراچی سے تعلق، کچھ بہت خاص آنے والا ہے۔یاد رہے کہ رواں ماہ اگست میں مہوش حیات نے یہ انکشاف کیا تھا کہ وہ ہنی سنگھ کے نئے ٹریک کلر میں کام کر رہی ہیں۔

کریڈٹ: انڈیپنڈنٹ نیوز پاکستان-آئی این پی