اداکارہ صائمہ نور نے کہا ہے کہ فلم انڈسٹری میں بھرپور دور گزارا اپنے کام پر خوش اور اب مطمئن زندگی گزار رہی ہوں۔ ایک انٹر ویو میں صائمہ نور نے کہا کہ موجودہ دور میں میرے نزدیک سب فنکار اچھا کام کر رہے ہیں، دوسروں کے کام میں کیڑے نکالنے کی بجائے اصلاح کی غرض رہنمائی ہونی چاہیے۔ انہوں نے کہا کہ میں تو یہی مشورہ دیتی ہوں کہ جو بھی کسی شعبے میں کام کر رہا ہے وہ اپنااحتساب خود کرے۔کیونکہ اس سے نہ صرف اپنی خامیوں کی نشاندہی ہوتی ہے۔ بلکہ ان پر قابو بھی پایا جا سکتاہے۔ صائمہ نے کہا کہ کسی پیشکش کی صورت میں کوئی کردار دل کو بھا گیا تو پھر دوبارہ کام کرنے کے بارے میں سوچوں گی۔ انہوں نے کہا کہ اپنے وقت میں بھرپور دور گزارا اور اب اپنی زندگی سے مطمئن ہوں۔

کریڈٹ: انڈیپنڈنٹ نیوز پاکستان-آئی این پی