بھارتی فلم نگری بالی ووڈ کے شہر ممبئی میں آنجہانی اداکارہ سری دیوی چوک کا افتتاح کردیا گیا۔تقریب میں اداکارہ کے شوہر بونی کپور نے سری دیوی کی تصویر پر سے پردہ ہٹایا جبکہ ان کی بیٹی خوشی کپور ان کے ساتھ کھڑی تھیں۔ یہ جذباتی لمحات تھے جنہیں انسٹاگرام پر شیئر کی گئی ویڈیوز میں بھی دیکھا جا سکتا ہے۔اس موقع پر حاضرین نے تالیاں بجا کر سری دیوی کو ان کی شاندار فلمی خدمات پر خراج تحسین پیش کیا۔بونی اور خوشی نے اپنے مداحوں اور فلم انڈسٹری کا شکریہ ادا کیا، جنہوں نے ہمیشہ سری دیوی کی یاد کو زندہ رکھا۔ اس تقریب میں سیاسی رہنما اور فلم انڈسٹری کے سینئر اداکار بھی شریک ہوئے۔ اگرچہ جھانوی کپور موجود نہیں تھیں لیکن شبانہ اعظمی، انوپم کھیر، اور پونم ڈھلون جیسے مشہور فنکاروں نے تقریب میں شرکت کی۔

کریڈٹ: انڈیپنڈنٹ نیوز پاکستان-آئی این پی