مس گرینڈ انٹرنیشنل 2024 میں مقابلہ حسن جیتنے والی بھارتی حسینہ ریچل گپتا نے پاکستانی ماڈل روما مائیکل کے لیے جذباتی نوٹ شیئر کردیا۔ مقابلہ حسن جیتنے کے بعد ریچل گپتا نے انسٹاگرام پر روما مائیکل کے ساتھ اپنی تصویر شیئر کرتے ہوئے لکھا کہ میری پنجابی بہن !سرحدیں ہمیں الگ رکھ سکتی ہیں لیکن وہ ہمارے مشترکہ تعلق کو الگ نہیں کر سکتیں۔ انسٹا گرام پر پوسٹ میں ریچل گپتا لکھتی ہیں روما، جب میں آپ کی ہمت اور پروقار شخصیت کے بارے میں سوچتی ہوں تو میرا دل فخر سے پھول جاتا ہے، آپ کے ساتھ مقابلہِ حسن میں حصہ لینا میرے لیے ایک نعمت تھا، یہ ایسا ہی تھا جیسے گھر سے دور ہوکر بھی گھر مل جانا۔ ریچل گپتا نے مزید لکھا سرحدیں ہمیں الگ رکھ سکتی ہیں، لیکن وہ ہمارے مشترکہ تعلق کو الگ نہیں کر سکتیں، ہم ایک ہی خون سے پیدا ہوئے ہیں، آپ میرے لیے ہمیشہ ایک بہترین دوست رہیں گی، بھارت میں آپ کے لیے ہمیشہ دروازے کھلے رہیں گے۔واضح رہے کہ مس گرینڈ انٹرنیشنل 2024 کے مقابلوں میں پاکستانی ماڈل روما مائیکل نے غیر سرکاری سطح پر حصہ لیا تھا۔

کریڈٹ: انڈیپنڈنٹ نیوز پاکستان-آئی این پی