معروف و متنازع یوٹیوبر رجب بٹ نے کہا ہے کہ میں سورج ہوں، جب عروج پر آئوں تو سب کو گرمی لگتی ہے۔حال ہی میں انہوں نے دبئی کے یوٹیوب شو کو انٹرویو دیا، جس میں انہوں نے بتایا کہ لوگ ان سے نفرت کیوں کر رہے ہیں اور ان کے خلاف اتنا غصہ کیوں ہے۔ان کا کہنا ہے کہ مجھے شہرت ملے صرف 2 سال ہوئے ہیں، میں ابھی سیکھ رہا ہوں، میں ہر چیز کا اندازہ نہیں لگا سکتا، نہ ہی سب کچھ جانتا ہوں۔رجب بٹ نے ایک دلچسپ مثال دیتے ہوئے کہا کہ لوگ سورج کو اس وقت پسند کرتے ہیں جب وہ طلوع یا غروب ہوتا ہے، لیکن جب سورج اپنے عروج پر ہوتا ہے تو سب کو گرمی لگتی ہے، میں بھی وہی سورج ہوں، میں عروج پر ہوں اور سب میرا نام ویوز کے لیے استعمال کر رہے ہیں۔انہوں نے واضح کیا کہ جو الزامات لگائے جا رہے ہیں، وہ غلط فہمی پر مبنی ہیں، میں نے سدھو موسے والا کو کبھی مذہب کی بنیاد پر پسند نہیں کیا، میں ایک مسلمان ہوں اور میں ان کے الفاظ اور میوزک کو پسند کرتا ہوں، میرے بیانات کو سیاق و سباق سے ہٹا کر پیش کیا گیا، جس کے بعد ہر کوئی صرف 2 سیکنڈ کی شہرت کے لیے میرے خلاف کیسز دائر کر رہا ہے۔رجب بٹ کا کہنا ہے کہ اگر میرے کسی لفظ سے کسی کو انجانے میں تکلیف پہنچی ہو تو میں معذرت چاہتا ہوں، لیکن میں نے کوئی غیر قانونی کام نہیں کیا۔

کریڈٹ: انڈیپنڈنٹ نیوز پاکستان-آئی این پی