بالی ووڈ کی باربی ڈول کترینہ کیف نے انکشاف کیا ہے کہ وہ حادثاتی طور پر ادکاری کے شعبے میں آئیں، دراصل وہ ماڈل بننا چاہتی تھیں اور ملائیکہ اروڑا ان کے لیے ایک رول ماڈل تھیں۔ کترینہ کیف نے حال ہی میں ایک انٹرویو کے دوران بتایا ہے کہ وہ شوبز کی دنیا میں قدم رکھنے کے بعد صرف ماڈل بننا چاہتی تھیں، وہ صرف ماڈلنگ کے لیے ہی ممبئی آئی تھیں، اس دوران ان کی رول ماڈل اداکارہ و سپر ماڈل ملائیکہ اروڑا تھیں۔ کترینہ کیف نے انٹرویو کے دوران پرانی یادوں کو تازہ کرتے ہوئے مزید بتایا کہ جب میں نے بمبئی میں ایک ماڈل کے طور پر اپنے کیریئر کا آغاز کیا تھا، اس دوران میں صرف ایک ماڈل بننے کا ہی ارادہ رکھتی تھی۔ انہوں نے مزید کہا کہ کیریئر کے آغاز میں میری رول ماڈلز مدھو سپرے اور لکشمی مینن تھیں، یہ اس وقت کی سپر ماڈل تھیں اور اصل میں ملائیکہ اروڑا بھی، ملائیکہ اروڑا اس وقت بھی ماڈلنگ کر رہی تھیں، یہ وہ ماڈلز تھیں جنہیں میں نے دیکھا اور ان ہی کی طرح میں بھی ایک ماڈل بننا چاہتی تھی۔

کریڈٹ : انڈیپنڈنٹ نیوز پاکستان-آئی این پی