معروف اداکارہ کومل میر نے اداکار فواد خان کو اپنا کرش قرار دیدیا۔ ایک انٹرویو کے دوران اپنے کرش سے متعلق سوال پر انہوں نے فواد خان کا نام لیا اور کہا کہ فواد خان ایک مرتبہ میرے اسکول آئے تھے اور میں نے ان کے ساتھ ایک تصویر بھی لی تھی۔انہوں نے مزید بتایا کہ اسکول میں ایک فیشن شو تھا اور اس کے جج فواد خان تھے، میں نے وہ فیشن مقابلہ جیتا جس پر میری فواد خان کے ساتھ تصویر کھینچی گئی، اگر میری کبھی فواد خان سے ملاقات ہوئی تو انہیں یہ تصویر ضرور دکھاں گی۔اپنی ذاتی زندگی سے متعلق سوال پر ان کا کہنا تھا کہ ان کا تعلق راولپنڈی سے ہے، ان کے تین چھوٹے بھائی ہیں، گھر کا ماحول زیادہ سخت نہیں تھا لیکن گھر میں والدین نے رولز ضرور بنائے ہوئے تھے۔ انہوں نے کہا کراچی کے لوگ بہت زیادہ اچھے ہیں، اتنے لاہور کے نہیں ہیں، کراچی کے لوگ کھلے دل کے بھی ہیں۔

کریڈٹ: انڈیپنڈنٹ نیوز پاکستان-آئی این پی