معروف اداکارہ جویریہ سعود نے انکشاف کیا ہے کہ انہوں نے مقبول ڈرامے خدا اور محبت اور عشق مرشد کے گانے سمیت دیگر ڈراموں کے گانے بھی لکھے مگر انہیں ان کا کریڈٹ نہیں دیا گیا۔ ایک انٹرویو میں انہوں نے انکشاف کیا کہ انہوں نے متعدد ڈراموں کے گانے لکھے مگر انہیں کریڈٹ نہیں دیا گیا اور انہیں دوستوں نے ہی دھوکا دیا۔اداکارہ کا کہنا تھا کہ گانے لکھوا کر کریڈٹ نہ دینے کے معاملات انتہائی چھوٹے ہیں، اس سے بڑے بڑے معاملات اور دھوکے بھی ہوتے ہیں ۔جویریہ سعود کا کہنا تھا کہ دوستوں کی جانب سے ملنے والے دھوکے سے ہی انسان سیکھتا ہے اور انہوں نے بھی سیکھا لیکن انہیں کوئی پچھتاوا نہیں کہ انہیں گانے لکھنے کے باوجود کریڈٹ کیوں نہیں دیا گیا۔

کریڈٹ: انڈیپنڈنٹ نیوز پاکستان-آئی این پی