بالیو وڈ کے میگا اسٹار امیتابھ بچن کی جانب سے حال ہی میں کی گئی ٹوئٹ سے مداحوں میں تشویش کی لہر دوڑ گئی۔ امیتابھ بچن نے ایکس پر ٹوئٹ کرتے ہوئے لکھا کہ Time to go یعنی جانے کا وقت آگیا ہے، اس ٹوئٹ نے مداحوں کے درمیان کئی قیاس آرائیوں کو جنم دے دیا۔متعدد سوشل میڈیا صارفین کا ماننا تھا کہ لیجنڈری اداکار کی ٹوئٹ ان کی فلموں اور بھارتی کوئز شو کون بنے گا کروڑ پتی سے ریٹائرمنٹ کا اشارہ ہے۔دوسری جانب کئی مداحوں نے اس ٹوئٹ کو ان کی خرابی صحت سے جوڑتے ہوئے تشویش کا اظہار کیا، یوں ایکس ٹوئٹر پر بگ بی کے مداحوں نے سوالات کی بھرمار کردی۔بالاخر تمام افواہوں کو دور کرتے ہوئے امیتابھ بچن نے بتایا کہ ارے !، ہمارے کام سے جانے کا وقت آگیا ہے، آپ عجیب بات کرتے ہیں! رات کے 2 بجے ہمیں یہاں سے چھٹی ملتی ہے تو ہمیں گھر پہنچتے پہنچتے کافی دیر ہو جاتی ہے، تو یہی لکھاتھا لیکن لکھتے ہوئے ہمیں نیند آگئی اور ٹوئٹ ادھوری رہ گئی۔

کریڈٹ: انڈیپنڈنٹ نیوز پاکستان-آئی این پی