معروف پاکستانی کامیڈین قیصر پیا نے انکشاف کیا ہے کہ بھارتی اداکار گپی گریوال نے میرا اور نسیم وکی کا نمبر بلاک کیا ہوا ہے۔قیصر پیا نے حال ہی میں ایک پوڈکاسٹ میں گفتگو کرتے ہوئے بتایا کہ ہم بھارت میں ایک پنجابی فلم پھٹے دیندے چک پنجابی میں کام کرنے کے بعد پاکستان واپس آئے تھے۔کامیڈین نے بتایا کہ یہ فلم ریلیز نہیں ہو سکی کیونکہ اس فلم میں بھارتی اداکار گپی گریوال بھی تھے اور ان کی شاید کسی سے کوئی لڑائی ہو گئی تھی۔انہوں نے بتایا کہ اس فلم کی شوٹنگ کے دوران میرے گپی گریوال کے ساتھ کافی اچھے تعلقات قائم ہو گئے تھے۔قیصر پیا نے بتایا کہ گپی گریوال نے مجھے سے کہا کہ میں بہت اچھا فنکار ہوں اور نسیم وکی کے بارے میں کہا کہ وہ میرے استاد ہیں کیونکہ میں نے ان سے بہت کچھ سیکھا ہے۔انہوں نے بتایا کہ اسی لیے جب ہم واپس آئے تو میں گپی گریوال کو کال کرنے کی کوشش کر رہا تھا تو میرا ان سے رابطہ نہیں ہو رہا تھا ۔کامیڈین نے بتایا کہ میں نے نسیم وکی کو رابطہ کرنے کو کہا تو ان کا بھی گپی گریوال سے رابطہ نہیں ہو سکا۔ہم نے نوٹ کیا کہ ہم دونوں کے پاس ان کی ڈی پی شو نہیں ہو رہی تھی لیکن افتحار ٹھاکر کے پاس ان کی ڈی پی شو ہو رہی ہے، یعنی انہوں نے ہمارا نمبر بلاک کیا ہوا ہے۔قیصر پیا نے یہ بھی بتایا کہ مجھے آج تک یہ پتہ نہیں چلا کہ گپی گریوال نے ہمارا نمبر کیوں بلاک کیا ہے۔

کریڈٹ: انڈیپنڈنٹ نیوز پاکستان-آئی این پی