پاکستانی سپر اسٹار فواد خان کی بھارتی اداکارہ وانی کپور کے ساتھ رومانوی تصویر نے تہلکہ مچادیا۔ آٹھ سال بعد اب فواد خان نے پھر سے بھارتی فلم میں دھماکے دار ری انٹری کا فیصلہ لیا ہے اور گزشتہ چند ماہ سے انکی بھارتی اداکارہ وانی کپور کے ساتھ فلم کے چرچے ہورہے ہیں۔ان چرچوں کے درمیان فواد خان اور وانی کپور کی رومانوی تصویر نے سوشل میڈیا پر جاری ہوتے ہی تہلکہ مچا دیا ہے۔بھارتی میڈیا رپورٹس کے مطابق فواد خان رومانٹک کامیڈی فلم میں وانی کپور کے ساتھ بطورجوڑی نظر آئیں گے اور اس فلم کا نام عبیر گلال ہے۔فلم کی شوٹنگ کے لیے بھارت یا پاکستان نہیں بلکہ لندن کا انتخاب کیا گا ہے اور فلم کی پروڈکشن کا کام 29 ستمبر سے شروع ہوچکا ہے۔

کریڈٹ: انڈیپنڈنٹ نیوز پاکستان-آئی این پی