مشہور گانوں کو بے سرے انداز میں ری میک کرنے والے کاشف رانا المعروف چاہت فتح علی خان نے معروف پنجاب ریپ سنگر بوہیمیا کو بدو بدی سنا دیا۔بوہیمیا کی چاہت فتح علی خان سے ویڈیو کال پر دلچسپ گفتگو کی ویڈیو سوشل میڈیا پر خوب وائرل ہورہی ہے جس میں وہ بوہیمیا کو اپنی آواز میں بدوبدی گا کر سنا رہے ہیں۔ویڈیو میں دیکھا جاسکتا ہے کہ بوہیمیا کسی ریسٹورنٹ میں چند لوگوں کے ساتھ بیٹھے ہیں جبکہ ویڈیو کال پر چاہت فتح علی خان انہیں بدو بدی سنا رہے ہیں جسے سن کر بوہیمیا بھی جھوم اٹھے تاہم بوہیمیا نے ذومعنی انداز میں اپنے اصل جذبات کا اظہار کرتے ہوئے کہا کہ میں ابھی بھی ''سفر ''کررہا ہوں اور آپ کے درشن کررہا ہوں ۔ اس موقع پر بوہیمیا نے چاہت فتح علی کو کہا کہ آپ کو دیکھ کر طبیعت خوش ہوگئی ہے۔

کریڈٹ: انڈیپنڈنٹ نیوز پاکستان-آئی این پی