بھارتی گلوکارہ تلسی کمار اپنی نئی میوزک ویڈیو کے سیٹ پر حادثے کا شکار ہوگئیں۔سوشل میڈیا پر ویڈیو زیرِ گردش ہے جس میں تلسی کمار کو اپنے کسی نئے گیت کی ویڈیو ریکارڈ کرواتے دیکھا جاسکتا ہے۔ ویڈیو میں تلسی کمار اِن ڈور شوٹ کروارتی نظر آئیں جس میں تلسی کمار کے عقب میں مصنوعی بیڈ روم نما اسٹرکچر کھڑا دیکھا جاسکتا ہے اور یہی اسٹرکچر اچانک گر پڑا۔اسٹرکچر کے گرنے پر تلسی کمار نے خود کو بچانے کی کوشش کی لیکن پھر بھی اسٹرکچر انکی کمر سے ٹکرایا اور وہ دھکا لگنے کے نتیجے میں آگے کی جانب گرتی چلی آئیں جہاں انکو ٹیم ممبرز نے سنبھال لیا، جس کے بعد وہ تکلیف سے روتی ہوئی نظر آئیں۔

کریڈٹ: انڈیپنڈنٹ نیوز پاکستان-آئی این پی