بالی ووڈ اداکارہ اننیا پانڈے نے پاکستانی سپر اسٹارز فواد خان اور ماہرہ خان کو پسندیدہ قرار دیدیا۔اننیا پانڈے نے حال ہی میں ابوظہبی میں منعقدہ آئیفا ایوارڈز میں شرکت کی جہاں اداکارہ کو ریڈ کارپٹ پر پاکر ایک پاکستانی فین نے پاکستانی فنکاروں کے حوالے سے سوال کیا۔سوشل میڈیا پر وائرل ہونے والی ویڈیو میں اننیا پانڈے سے سوال کیا گیا کہ اننیا آپ کو پاکستان کی کونسی اداکارہ بہت پسند ہیں؟ اس پر اننیا پانڈے نے شہرے پر دلکش مسکراہٹ سجاتے ہوئے کہا کہ مجھے ماہرہ خان بے حد پسند ہیں۔سوال پوچھنے والے نے فورا ہی دوسرا سوال کیا کہ اور اداکاروں میں کون زیادہ پسند ہے؟ اس سوال کا جواب بھی اننیا نے بغیر وقت لگائے جھٹ سے دیتے ہوئے فواد خان کا نام لے لیا۔جہاں اس ویڈیو پر مداح ماہرہ خان اور فواد خان کیلئے اننیا پانڈے کی محبت پر خوش ہورہے ہیں وہیں متعدد کا کہنا ہے کہ ان دونوں کا نام اس لیے لیا کہ بھارت والے جانتے ہی صرف ان دو کے نام ہیں۔

کریڈٹ: انڈیپنڈنٹ نیوز پاکستان-آئی این پی