اداکارہ و ٹی وی میزبان نادیہ خان نے کہا ہے کہ ہانیہ عامر وہ واحد پاکستانی اداکارہ ہیں جو بھارت میں کام کیے بغیر نہ صرف انڈیا بلکہ بنگلہ دیش میں بھی سپر اسٹار بن گئیں۔ ایک انٹرویو میں انہوں نے کہا کہ ہانیہ عامر خطے کی واحد اداکارہ ہیں جو اسکرین پر گلیمر کردار کیے بغیر ہی پاکستان، بنگلہ دیش اور بھارت میں سپر اسٹار بن گئیں۔ان کا کہنا تھا کہ سپر اسٹار بننے میں ہانیہ عامر کی سالوں کی محنت شامل ہے، وہ نیچرل اداکاری کرتی ہیں، ان کے جذبات، ان کے انداز کہیں سے بھی مصنوعی نہیں دکھتے۔نادیہ خان کے مطابق ایسا نہیں ہے کہ ہانیہ عامر کو راتوں و رات شہرت ملی اور وہ سپر اسٹار بنیں بلکہ انہوں نے کئی سال تک کام کیا اور اپنی محنت سے ثابت کیا کہ وہ بہترین اداکارہ ہیں۔ٹی وی میزبان نے ہانیہ عامر کی خوبصورتی کی بھی تعریفیں کیں اور کہا کہ وہ جیسی معصوم اور پیاری ہیں، ایسی ہی وہ خوبصورت اور پرکشش دکھائی دیتی ہیں اور وہ حقیقی طور پر معصوم ہیں۔

کریڈٹ: انڈیپنڈنٹ نیوز پاکستان-آئی این پی