امریکی میگزین نے سال 2024کے پرکشش مرد کا اعلان کر دیا۔غیر ملکی میڈیا رپورٹس کے مطابق امریکا کے معروف پیپلز میگرین نے امریکی اداکار جان کراسنسکی کو 2024 کا پرکشش مرد قرار دیا ہے۔ امریکی میگزین کی جانب سے اس سال کے پرکشش مرد کے ٹائٹل کا اعلان گزشتہ رات دی لیٹ شو وِد اسٹیفن کولبرٹ کے دوران کیا گیا۔45 سالہ جان کراسنسکی2024 کے پرکشش مرد کا اعزاز حاصل کرنے پر خوش ہونے کے ساتھ تھوڑے حیران بھی ہوئے۔جان کراسنسکی اداکاری کرنے کے ساتھ ہدایتکار بھی ہیں۔انہوں نے برطانوی اداکارہ ایملی بلنٹ سے شادی کی اور جوڑے کے 2 بچے ہیں۔واضح رہے کہ گزشتہ سال امریکی اداکار پیٹرک ڈیمپسی نے یہ اعزاز حاصل کیا تھا جبکہ بریڈ پِٹ اور مائیکل جارڈن بھی دنیا کے پرکشش مرد قرار دیے جاچکے ہیں۔

کریڈٹ: انڈیپنڈنٹ نیوز پاکستان-آئی این پی