بالی ووڈ کے اسٹار اداکار عمران ہاشمی حیدرآباد دکن میں فلم گڈ اچاری کی شوٹنگ کے دوران زخمی ہوگئے۔بھارتی میڈیا رپورٹس کے مطابق عمران ہاشمی ان دنوں اسپائی تھرلر فلم گڈ اچاری کے دوسرے حصے کی شوٹنگ کے سلسلے میں حیدرآباد دکن میں موجود ہیں۔میڈیا رپورٹس کے مطابق اسٹار اداکار کو فلم کے ایک ایکشن سین کی عکس بندی کے دوران گردن پر گہرا زخم آیا ہے۔اداکار نے فلم کی شوٹنگ کے دوران زخمی ہونے سے متعلق کوئی بیان شیئر نہیں کیا ہے تاہم ایک کاروباری ساتھی سنی کھنہ نے شوٹنگ کے دوران زخمی ہونے کی تصدیق کی۔

کریڈٹ: انڈیپنڈنٹ نیوز پاکستان-آئی این پی