عالمی شہرت یافتہ پاکستانی گلوکار عاطف اسلم نے سعودی عرب میں پاک مقامات کی وجہ سے پرفارمنس سے انکار کردیا۔ سوشل میڈیا پر ایک نئی خبر زیرِ گردش ہے جس نے عاطف اسلم کے مسلم فینز کے دل جیت لیے ہیں۔سوشل میڈیا پر زیرِ گردش خبر کے مطابق عاطف اسلم نے سعودی عرب میں پرفارمنس کی پیشکش ٹھکرادی ہے۔عاطف اسلم کے اس انکار کی وجہ انکے دل میں سعودی عرب میں موجود مسلمانوں کیلئے سب سے معظم مقامات خانہ کعبہ اور مسجدِ نبوی ہیں۔رپورٹس کے مطابق عاطف اسلم نے مکہ اور مدینہ کے قریب پرفارم کرنے سے منع کی اور کہا کہ ان مقدس شہروں کے قریب بھی پرفارم کرنے کو میرا دل نہیں مانے گا۔ واضح رہے اس سے قبل عاطف اسلم نے اپنے انٹرویو میں یہ خواہش بھی ظاہر کی تھی کہ وہ زندگی میں ایک مرتبہ حرم شریف میں اذان دینا چاہتے ہیں۔

کریڈٹ: انڈیپنڈنٹ نیوز پاکستان-آئی این پی