پاکستان کے عالمی شہرت یافتہ گلوکار عاطف اسلم نے ایک بار پھر اپنی سحر انگیز آواز میں ایک روح پرور نعت یا نبی سلام علیک پیش کی ہے، جس نے مداحوں کے دل جیت لیے ہیں۔ رمضان المبارک کے بابرکت مہینے میں یہ نعت ایک روحانی تحفہ ثابت ہو رہی ہے اور سوشل میڈیا پر اسے بے حد پذیرائی مل رہی ہے۔ان کے نعتیہ کلام تاجدارِ حرم اور وہی خدا ہے نے دنیا بھر میں لاکھوں دلوں کو چھو لیا تھا۔عاطف اسلم نے اس بار نعت یا نبی سلام علیک کو دو اور باصلاحیت فنکاروں کے ساتھ مل کر پیش کیا ہے۔یہ نعت قدرتی اور پرسکون ماحول میں ریکارڈ کی گئی ہے، جہاں ہرے بھرے درخت، بہتے پانی اور کھلی فضا ہے۔ سوشل میڈیا پر مداحوں نے اس نعت کو دل کو چھو لینے والی نعت اور رمضان کی بہترین پیشکش قرار دیا ہے۔

کریڈٹ: انڈیپنڈنٹ نیوز پاکستان-آئی این پی