بالی ووڈ میں سب سے زیادہ معاوضہ لینے والے گلوکارکا نام سامنے آگیا۔ بھارتی میڈیا کے مطابق اے آر رحمان اس وقت بھارت میں سب سے زیادہ معاوضہ لینے والے گلوکار ہیں۔انڈسٹری کے اندرونی ذرائع نے بھی تصدیق کی کہ اے آر رحمان ایک گانا گانے کے لیے 3 کروڑ روپے کی رقم وصول کرتے ہیں۔واضح رہے کہ اے آر رحمان زیادہ تر میوزک کمپوزر کی ذمہ داریاں نبھاتے ہیں اور گلوکاری کم ہی کرتے ہیں، لیکن جس گانے میں بھی وہ اپنی آواز کا جادو جگاتے ہیں وہ گانا سپر ہٹ ہو ہی جاتا ہے۔علاوہ ازیں بالی وڈ کے دیگر مشہور گلوکاروں کے معاوضے کے بارے میں بات کریں تو شریا گھوشال ایک گانے کا 25 لاکھ روپے معاوضہ وصول کرتی ہیں۔ بھارتی میڈیا کی رپورٹ کے مطابق ارجیت سنگھ ایک گانے کا 18 سے 20 لاکھ روپے معاوضہ لیتے ہیں جبکہ سونو نگم ایک گانے کا 15 سے 18 لاکھ روپے معاوضہ حاصل کرتے ہیں۔

کریڈٹ: انڈیپنڈنٹ نیوز پاکستان-آئی این پی