اسلام آباد(آئی این پی )وزیراعظم شہباز شریف کا بڑی عید پر عوام کو بڑی خوش خبری دینے کا ارادہ ،وزیراعظم کا عالمی منڈی میں تیل کی قیمتوں میں کمی کا پورا فائدہ عوام کو منتقل کرنے کا بڑا فیصلہ کرلیا ، وزیراعظم نے وزارت پٹرولیم اور وزارت خزانہ سے تیل کی قیمتوں میں کمی کی سمری مانگ لی۔ وزیراعظم ہائو س سے جاری اعلامیہ کے مطابق وزیراعظم شہباز شریف کے زیر صدارت اہم اجلاس منعقدہوا جس میں انہوں نے بڑی عید پر عوام کو بڑی خوش خبری دینے کا ارادہ ظاہر کیا اور وزیراعظم کا عالمی منڈی میں تیل کی قیمتوں میں کمی کا پورا فائدہ عوام کو منتقل کرنے کا بھی بڑا فیصلہ کرلیا ، وزیراعظم نے وزارت پٹرولیم اور وزارت خزانہ سے تیل کی قیمتوں میں کمی کی سمری مانگ لی۔وزیراعظم نے اپنی زیرصدارت منعقدہ اجلاس میں تیل کی قیمتوں میں کمی کی سمری بھجوانے کا بھی حکم دیا۔وزیراعظم نے اجلاس سے خطاب میں کہاکہ عوام نے قربانی دی، اس کا پورا پھل بھی انہیں ہی ملنا چاہئے۔ انہوں نے ہدایت کی عوام نے مشکل وقت گزارا ہے، اب پورا ریلیف ملنا بھی ان کا حق ہے ۔عالمی منڈی میں جتنی کمی ہوئی ہے، پوری شفافیت کے ساتھ عوام کو اس کی منتقلی یقینی بنائیں ۔وزیراعظم نے مزید کہاکہ سابق حکومت کی لائی مہنگائی سے ستائے عوام کی حتی المقدور اشک شوئی کرتے رہیں گے ۔ اللہ تعالی کا فضل وکرم یوں ہی جاری رہا تو اِن شااللہ عوام کی زندگی میں مزید آسانیاں لائیں گے ۔وزیراعظم کی زیرصدارت اجلاس میں اوگرا سمیت دیگر وزارتوں اور محکموں کے اعلیٰ حکام نے بھی شرکت کی ۔