ترکی میں کوسٹ گارڈز نے 53 غیر قانونی تارکین وطن کو ڈوبنے سے بچا لیا ۔ترک خبررساں ادارے کی رپورٹ کے مطابق ترکی کے ضلع مولا کی تحصیل بودرم کے کھلے سمندر میں بادبانی کشتی میں سوار 53 غیر قانونی تارکین وطن کو ڈوبنے سے بچا لیا گیا ہے۔ترک کوسٹ گارڈ کمانڈ آفس کے جاری کردہ بیان کے مطابق بودرم کے کھلے سمندر میں بادبانی کشتی میں غیر قانونی تارکین وطن کی موجودگی کی اطلاع ملنے پر کوسٹ گارڈ بحری جہاز کو علاقے کی طرف روانہ کیا گیا۔کوسٹ گارڈ ٹیموں نے بروقت کاروائی کر کے یونانی عناصر کی طرف سے ترکی کی بحری حدود کی طرف دھکیلے گئے 53 غیر قانونی تارکین وطن کو ڈوبنے سے بچا لیا ہے۔تارکین وطن کو خشکی پر پہنچا کر ضروری کاروائیوں کے بعد ضلعی ڈائریکٹریٹ برائے امورِ مہاجرین کے حوالے کر دیا گیا ہے۔

کریڈٹ: انڈیپنڈنٹ نیوز پاکستان-آئی این پی