جنوبی کوریا نے شمالی کوریا کو خبر دار کیا ہے کہ اس کے جوہری ہتھیاروں کا استعمال اور سخت زبان اسے خود تباہی کے راستے پر ڈال دے گا۔جنوبی کوریا کی وزارت دفاع کے قائم مقام ترجمان مون ہونگ سک نے منگل کو غیر ملکی میڈیا سے بات چیت کرتے ہوے کہا ہے کہ شمالی کوریا کا جوہری ہتھیاروں کے استعمال کی متعلق نئی قانون سازی صرف اسے دنیا میںمزید تنہا کرے گا اور سیول اور واشنگٹن کو اس کی روک تھام کے لیے اور ردعمل کی صلاحیتوں کو مزید مضبوط کرنے پر مجبور کرے گا۔انہوں نے شمالی گوریا کو مشورہ دیا ہے کہ کشیدگی سے بچنے کے لیے شخت بیان بازی سے گریز کیا جائے۔ وزارت دفاع نے کہا ہے کہ شمالی کوریا کو جوہری ہتھیاروں کے استعمال سے روکنے کے لیے جنوبی کوریا بھی اپنے دفاع کو مزید مضبوط کرے گا ، پنے میزائل ور بڑے پیمانے پر جوابی کارروائی کی صلاحیتوں میں تیزی سے اضافہ کرے گا جبکہ اپنے اتحادیوں سمیت امریکی سلامتی کا بھی دفاع کرے گے۔ وزارت دفاع کے قائم مقام ترجمان مون ہونگ سک کہا ہے کہ ہم شمالی کوریا کی حکومت کو ا نتباہ کرتے ہیں کہ کو جنوبی کوریا ،امریکہ اور اتحادی فوجیوں کی طرف سے اسے زبردست ردعمل کا سامنا کرنا پڑے گا اور اگر اس نے جوہری ہتھیاروں کے استعمال کی کوشش کی تو وہ خود تباہی کے راستے پر چل پڑے گی۔یاد رہے کہ پچھلے ہفتے، شمالی کوریا کی پارلیمنٹ نے اپنے جوہری ہتھیاروں کے انتظامی قوانین سے متعلق قانون سازی کی تھی۔ پارلیمنٹ شمالی کوریا کو اپنے جوہری ہتھیاروں کو استعمال کرنے کی اجازت دے گی اگر اس کی قیادت کو کسی بیرونی حملے کا سامنا کرنا پڑتا ہے ۔

کریڈٹ: انڈیپنڈنٹ نیوز پاکستان-آئی این پی