سعود عرب میں شدید گرمی کی لہر کے باعث مسجد الحرام اور مسجد نبوی میں جمعہ کا خطبہ اور نماز کا دورانیہ کم کردیا گیا۔عرب میڈیا کے مطابق شدید گرمی کے باعث مسجد الحرام اور مسجد نبوی میں جمعہ کا خطبہ اور نماز کا دورانیہ 15منٹ رہا جب کہ متحدہ عرب امارات میں بھی خطبہ جمعہ 10منٹ تک محدود کردیا گیا ہے۔اماراتی حکام کا کہناہے کہ شدید گرمی سے انسانی جانوں کو محفوظ بنانا ترجیحی ہے۔واضح رہے کہ گرمیوں میں اماراتی صحرائی علاقوں میں درجہ حرارت 50ڈگری سینٹی گریڈ تک پہنچ چکا ہے۔

کریڈٹ: انڈیپنڈنٹ نیوز پاکستان-آئی این پی