کلکتہ میں ٹرینی ڈاکٹر کے ساتھ جنسی زیادتی اور قتل کیس کے مرکزی ملزم سنجے رائے نے جیل میں سبزی روٹی کھانے سے انکار کرتے ہوئے ایگ چائومین کا مطالبہ کردیا،بھارتی میڈیا کے مطابق جب سنجے رائے کو جیل میں روٹی اور سبزی دی گئی تو وہ کھانے سے ناراض ہوگیااور کہا کہ انہیں سبزی روٹی جیسا سادہ کھانا نہیں کھانا، اسے ایگ چائومین دیا جائے،میڈیا رپورٹ میں بتایا گیا ہے کہ جیل قوانین کے تحت جیل میں تمام قیدیوں کیلئے ایک ہی کھانا تیار کیا جاتا ہے اور تمام قیدیوں کو وہی کھانا کھانا پڑتا ہے لہذاسنجے رائے کا انڈے چائومین کامطالبہ پورا نہیں کیا جاسکا،بھارتی میڈیا رپورٹ کے مطابق سنجے رائے کے کھانے سے انکار پر جیل کے عملے نے اس کی سرزنش کی جس کے بعد سنجے جیل کا کھانا کھانے پر ہی راضی ہوگیا،رپورٹ میں مزید بتایا گیا ہے کہ اس سے قبل سنجے نے جیل کے عملے سے درخواست کی تھی کہ اسے سونے کی اجازت دی جائے، سنجے کو سوتے وقت کئی مرتبہ بڑبڑاتا بھی پایا گیا لیکن کچھ دنوں کے بعد وہ نارمل ہوگیا،واضح رہے کہ 9اگست کو کلکتہ کے آر جی کار اسپتال سے وابستہ ایک ٹرینی خاتون ڈاکٹر کو زیادتی کے بعد قتل کردیا گیا تھا، 31 سالہ لیڈی ڈاکٹر کی لاش کلکتہ کے آر جی کار میڈیکل کالج کے کمرے سے ملی تھی اور پوسٹ مارٹم میں خاتون ڈاکٹر سے زیادتی کی تصدیق ہوئی تھی۔

کریڈٹ: انڈیپنڈنٹ نیوز پاکستان-آئی این پی