سعودی عرب میں سعودی شہری نے سزائے موت پر عملدرآمد سے چند لمحے پہلے اپنے بیٹے کے قاتل کو معاف کردیا،عرب میڈیا کے مطابق پانچ برس قبل جدہ کے علاقے حمدانیہ میں علاقے میں کار پارکنگ کے اختلاف پر 6افراد میں جھگڑا ہوا تھا جس کے نتیجے میں ایک شخص کو شدید زخمی حالت میں ہسپتال لایا گیا مگر وہ زخموں کی تاب نہ لاتے ہوئے جاں بحق ہو گیا تھا، عدالت میں کیس چلنے کے بعدقاتل کو سزائے موت سنا ئی گئی تھی، فیصلے کے خلاف اپیل بھی مسترد کر دی گئی تھی،اپیل مسترد ہونے کے بعد قاتل کے اہل خانہ نے مقتول کے ورثا سے رابطہ کیا،اصلاحی کمیٹی نے بھی معاملہ حل کرنے کیلیے اپنا کردار ادا کیا مگر مقتول کے والد کسی صورت میں قاتل کو معاف کرنے کے لیے تیار نہ تھے،قاتل کے ورثا ہر طرح سے ناامید ہو چکے تھے جبکہ سزائے موت پر عمل درآمد کے دن بھی قریب آر ہے تھے،قصاص کے دن میدان میں لوگ جمع تھے، عدالتی اہلکار نے جرم کی نوعیت اور عدالتی فیصلہ سنایا،آخری لمحات میں مقتول کے والد نے میدان میں آکر جلاد کو تلوار واپس رکھنے اشارہ کرتے ہوئے کہا کہ میں اپنے بیٹے کے قاتل کو صرف اللہ کی رضا کے لیے معاف کرتا ہوں،معافی کے اعلان پر قاتل کی ماں خوشی سے رو پڑیں۔

کریڈٹ: انڈیپنڈنٹ نیوز پاکستان-آئی این پی