سعودی سکیورٹی فورسز نے تمام خطوں میں جعلی مہموں کا مقابلہ کرنے اور ان کے پروموٹرز کو گرفتار کرنے کا سلسلہ شروع کر رکھا ہے۔ فورسز نے صرف ایک ماہ میں جعلی حج مہمات کو فروغ دینے میں ملوث تقریبا 79افراد کو گرفتار کیا ہے۔ ان میں سے زیادہ تر رہائشی تھے۔ سعودی عرب میں لیفٹیننٹ جنرل محمد البسامی نے بتایا کہ پبلک سکیورٹی اس سال حج سیزن کے دوران 140سے زیادہ جعلی حج کمپنیوں کو پکڑنے کرنے میں کامیاب رہی ہے۔پبلک سیکیورٹی کے ڈائریکٹر نے اس بات پر زور دیا کہ قوم، حجاج کرام اور مقدس مقامات کی حفاظت ایک "ریڈ لائن" ہے۔ حج سکیورٹی فورسز ہر اس چیز کے خلاف مضبوطی سے کھڑی ہوں گی جو سکیورٹی کو نقصان پہنچاتی ہے یا ضیوف الرحمن کی سلامتی اور حفاظت کو متاثر کرنے والی ہو۔انہوں نے زور دیا کہ حج سکیورٹی فورسز کی ترجیحات میں سے ایک یہ بھی ہے کہ ضیوف الرحمن کی تحفظ کو برقرار رکھا جائے۔ مختلف مقدس مقامات پر ان کی آمد سے لے کر ان کی محفوظ روانگی تک ان کو عبادات ادا کرنے میں آرام اور سہولت فراہم کی جائے۔

کریڈٹ: انڈیپنڈنٹ نیوز پاکستان-آئی این پی