سعودی عرب میں عسیر ریجن کے دیہی علاقے امحلج کے پہاڑی راستے میں موسلادھار بارش کے باعث لینڈ سلائیڈنگ سے راستہ بند ہوگیا ۔عرب میڈیا کے مطابق وزارت ٹرانسپورٹ اور متعلقہ ادارے راستہ کھولنے کی کوشش کر رہے ہیں۔وزارت ٹرانسپورٹ نے کہا ہے کہ مسلسل بارش کے باعث پہاڑ سے بڑا تودہ گراہے جسے ہٹانے میں دشواری کا سامناہے ۔لینڈ سلائیڈنگ کے باعث دیہی علاقوں سے زمینی رابطہ منقطع ہوگیا ہے تاہم آمد و رفت جاری رکھنے کے لیے رہائشی متبادل راستے استعمال کر رہے ہیں۔

کریڈٹ: انڈیپنڈنٹ نیوز پاکستان-آئی این پی