ترجمان وائٹ ہائوس کیرولین لیوٹ نے کہا ہے کہ صدر ٹرمپ نے ایک ماہ میں جو اقدامات کئے اس کی تاریخ میں مثال نہیں ملتی ، ڈونلڈ ٹرمپ اپنی کابینہ کے پہلے اجلاس کی بدھ کو صدارت کریں گے۔ صدر ٹرمپ کے 3 مشیروں کے ہمراہ پریس کانفرنس سے خطاب کرتے ہوئے ترجمان وائٹ ہائوس نے کہا کہ ٹرمپ نے ایک ماہ میں جو اقدامات کئے اس کی تاریخ میں مثال نہیں ملتی۔ ٹرمپ کے مشیر مائیک والز نے کہا کہ صدر ٹرمپ روس یوکرین جنگ روک سکتے ہیں، امن کیلئے بات چیت کی میزبانی پر محمد بن سلمان کے شکر گزار ہیں۔ٹرمپ کے ایک اور مشیر اسٹیون ملر نے پریس کانفرنس میں کہا کہ غیرقانونی تارکین وطن کے داخلے میں 95 فیصد کمی آگئی ہے۔ خطرناک جرائم میں ملوث غیرقانونی تارکین وطن کیلئے سزائے موت بحال کی۔ مشیر امریکی صدر کا کہنا تھا کہ صدر ٹرمپ مہنگائی پر قابو پانے کی کوشش کررہے ہیں۔ٹرمپ کے تیسے مشیر کیون ہیزٹ کا کہنا تھا کہ بائیڈن انتظامیہ کیاخراجات کی وجہ سے مہنگائی ہوئی، صدر ٹرمپ ملک سے مہنگائی ختم کرنے کی حکمت عملی بنارہے ہیں۔

کریڈٹ: انڈیپنڈنٹ نیوز پاکستان-آئی این پی