سابق امریکی صدرڈونلڈ ٹرمپ مبینہ قاتلانہ حملے میں محفوظ رہے،جبکہ امریکی وفاقی تحقیقاتی بیورو(ایف بی آئی) نے فلوریڈا کے ویسٹ پام بیچ میں واقع ٹرمپ گالف کورس میں پیش آنے والے واقعے کی ممکنہ طور پر قاتلانہ حملے کے طور پر تحقیقات شروع کر دی ہیں۔ میڈیا رپورٹس کیمطابق سیکرٹ سروس کے ایجنٹوں نے ووڈ لائن پر حملہ آور مسلح مشکوک شخص کا پتہ لگایا تاہم ٹرمپ کو اس واقعے میں کوئی زخم نہیں آیا ۔ حملہ آور کے قریب سے ایک بندوق ملی جس کی جانچ کی جا رہی ہے۔ فائرنگ کے ذمہ دار شخص کی شناخت نہیں ہوسکی ہے۔ سیکرٹ سروس نے بتایا کہ ٹرمپ انٹرنیشنل گالف کلب میں یہ واقعہ مقامی وقت کے مطابق دوپہر دو بجے کے قریب پیش آیا جبکہ سابق صدر محفوظ ہیں۔ ایجنسی نے کہا کہ ہم جلد ہی مزید تفصیلات حاصل کریں گے۔

کریڈٹ: انڈیپنڈنٹ نیوز پاکستان-آئی این پی