نومنتخب برطانوی وزیر اعظم کیئر سٹارمر اور نئے ایم پیز نے حلف اٹھا لیا، جس کے بعد کیئر سٹارمر اور 650 ایم پیز اور ان کی کابینہ نے کامنز رول پر دستخط کیے،برطانوی میڈیا رپورٹس کے مطابق سر لنڈسے ہوئل دوبارہ ہائوس آف کامنز کے سپیکر منتخب ہو گئے، حلف اٹھانے والے ممبران پارلیمنٹ میں برٹش پاکستانی بھی شامل ہیں، نومنتخب برطانوی وزیر شبانہ محمود نے بھی حلف اٹھا لیا،افضل خان، عمران حسین، راجہ یاسین اور ناز شاہ بھی حلف اٹھانے والوں میں شامل ہیں، سپیکر کی موجودگی میں تمام ممبران پارلیمنٹ نے ایک ایک کر کے حلف لیا، ایم پیز نے بادشاہ چارلس اور ان کے ورثا اور جانشینوں سے وفاداری کا حلف اٹھایا،تمام اراکین اپنے مذہبی کتاب پر بھی حلف اٹھا سکتے ہیں، ساڑھے چھ سو ایم پیز میں سے 335 اراکین پہلی بار منتخب ہوئے، ہائوس آف کامنز میں 263، تقریبا 40فیصد خواتین کی بڑی تعداد منتخب ہوئی۔

کریڈٹ: انڈیپنڈنٹ نیوز پاکستان-آئی این پی