نیپال میں رواں سال جنوری میں ہونے والے مسافر طیارے کے حادثے کا ذمہ دار پائلٹوں کو قرار دے دیا گیا،غیر ملکی میڈیا کی رپورٹس کے مطابق مسافر طیارہ حادثے کی تحقیقاتی رپورٹ سامنے آئی ہے جس کے مطابق نیپالی ائیر لائن کا مسافر طیارہ پائلٹوں کی غلطی کی وجہ سے تباہ ہوا،تحقیقاتی پینل کی رپورٹ کے مطابق پائلٹوں نے غلطی سے طیارے کی بجلی منقطع کرنے والا لیور دبا دیا تھا، معلومات نہ ہونا اور ایس او پیز پر عملدر آمد کی کمی حادثے کی وجہ بنی،واضح رہے کہ نیپالی ائیر لائن کا اے ٹی آر مسافر طیار 15جنوری کو نیپال کے شہر پوکھرا میں ائیرپورٹ کے نزدیک گر کر تباہ ہوا تھا، افسوسناک حادثے میں عملے اور غیر ملکیوں سمیت تمام 72افراد ہلاک ہو گئے تھے۔

کریڈٹ: انڈیپنڈنٹ نیوز پاکستان-آئی این پی