امریکی شہر نیویارک میں فلسطین کے حامیوں نے مظاہرہ کرکے غزہ کے محاصرے اور اسرائیل کی نسل کش حکومت کے غاصبانہ قبضے کے خاتمے کا مطالبہ کر دیا امریکی شہر نیویارک میں فلسطین کے حامیوں نے غزہ کے مظلوم عوام کی حمایت میں امریکی فوجیوں کی یادگار پر فلسطینی پرچم لہرایا اور اس کے سامنے امریکی پرچم کو نذر آتش کیا۔ نیویارک کی پولیس نے فلسطین کے حامی کچھ مظاہرین کو گرفتار کرکے، مظاہرے کے شرکا کو منتشر کردیا۔ دریں اثنا امریکہ سمیت دنیا کے مختلف ممالک کے طلبا ، پروفیسرز اور ماہرین تعلیم نے فلسطین کی حمایت میں احتجاجی ریلی نکالی۔ امریکا میں پولیس نے متعدد طلبا کو گرفتار کر لیا۔ امریکی میڈیا کے مطابق مظاہرین ایم آئی ٹی یونیورسٹی میں پولیس رکاوٹیں ہٹا کر کیمپ میں واپس آگئے- سین ڈیاگو یونیورسٹی میں پولیس نے مظاہرین کے کیمپ ہٹا دیئے اور متعدد افراد کو گرفتار کر لیا۔ نیویارک میں میٹ گالا ایونٹ پر احتجاج کرنے والے فلسطین کے حامی مظاہرین کو گرفتار کیا گیا جبکہ بارسلونا یونیورسٹی میں فلسطین سے یکجہتی کے لیے طلبا نے کیمپ لگائے-

کریڈٹ: انڈیپنڈنٹ نیوز پاکستان-آئی این پی