نائیجیریا میں نسلی گروہوں کے درمیان خون ریزتصادم،8 افراد کے ہلاک ہونے کی اطلاعات ملی ہیں۔ غیر ملکی خبر رساں ادارے کے مطابق نائیجیریا کے صوبہ ریورز میں دو نسلی گروہوں کے درمیان تصادم کے نتیجے میں آٹھ افراد ہلاک ہو گئے۔ صوبائی پولیس کی افسر برائے تعلقات عامہ گریس آئرنگ کوکو نے بتایا ہے کہ آہودا شہر میں ایزے اور آہودا نسلی گروہوں کے درمیان پر تشدد تصادم ہوا ہے۔اس تصادم میں اب تک 8افراد ہلاک جبکہ متعدد زخمی ہو چکے ہیں۔ آئرنگ کوکو نے بتایا کہ علاقے میں حفاظتی اہلکار تعینات کر دیئے گئے ہیں۔واضح رہے کہ ملک کے جنوبی صوبوں میں مختلف نسلی گروہوں کے درمیان قدرتی وسائل کی تقسیم پر جھڑپیں ہوتی رہتی ہیں۔

کریڈٹ: انڈیپنڈنٹ نیوز پاکستان-آئی این پی